Mirushe H.Musa : VAJZA ME PSHTJELLAK

Mirushe H.Musa

 

VAJZA ME PSHTJELLAK

Dola brigjeve lart, në male,

Buzë liqenit më shkuan sytë,

Një zambak aromën më fale,

Vajzë e bukur me pshtjellak të qetë.

Me hijeshi ecte prej shtegut,

Bukur i rrinte pala e jelekut,

Fustani i kuq prej mendafshi,

Si shtojzovalle i rrinte shtatit.

Rruga plot këneta e moçale,

Bëja plane si të dilja në male,

Të këpus një ylber nga qielli,

Ta bëj urë gjer te liqeni.

Reve ua mora një laps të artë,

Si gjarpëronin brigjet, i vizatova,

Si t’i kaloja gjithë këto pengesa,

Për te vajza hartë ndërtova.

Doja të prekja hirësinë e saj,

Gërshetët e flokëve me dorë t’i prekja,

Me buzëqeshjen e saj sharmante,

Retë i ngatërronte mes veti.

Mblodha zogjtë e dallëndyshet,

Në prehër të maleve, në kuvend,

Bilbilave në bjeshkë u bëra lutje:

Te e bukura të shkonin në shkes.

18 dhjetor 2024