 |
| Mirushe H.Musa |
Petalet e Shkurtit
Në shkallët e lagura nga shiu i shkurtit,
Hedhur në prag një trëndafil me ngjyrë.
Disa fjalë të thurura nëpër gjethe,
Shkruante: "Të dua", e thjeshtë, e mirë.
Brenda stuhive të padukshme të natës,
Lëshonin rrënjë tingujt magjikë të yjeve.
Shiu mbi petalet thurte ëmbël melodinë,
Petalja e kuqe ngjyroste mbi dashurinë.
Rrëfimet e heshtura mes shiut dhe lules,
Zgjuan yjet dhe hënën në natën e shenjtë.
Ndjenjat e të dashuruarve thellë i tundi
Dita e Shën Valentinit, 14 shkurti.
Aucun commentaire:
Enregistrer un commentaire