 |
| Mirushe H.Musa |
Nën ombrellën e Shadervanit
Më the: Prizreni është qytet i lashtë,
Eja të takohemi te Shadervani.
Veshe fustanin e hanës së verdhë,
Që dikur e kishte veshur e bukura Helenë.
Unë vesha këpucë prej mendafshi,
Që t’i njihje takat e mia prej së largu.
Diellin e mbështolla kollon të hollë,
Kapelën gri me gajtan e vura mbi flokë.
Dielli zhyti sytë thellë në Shadervan,
Shiu lehtë binte, ritmik, me klithma.
Befas u gjendëm të dy nën një ombrellë,
Belin ma preke, si të më godiste vetëtima.
Mbrëmjen e freskët ia fala Lumbardhit,
Mëngjesin, buzë Drinit të Bardhë e të Zi.
Doja të thërrisja me zë të fortë,
Sa të dua ty, ta dëgjonte e gjithë bota.
Aucun commentaire:
Enregistrer un commentaire