 |
| Fatmushe Gerguri |
Në vargun tim
Në vargun tim
dua jetën pa djallëzi
dhe njerëzit pa u djallëzuar.
Dua që vargu të sjellë mirësi
për ju që më keni lexuar.
Dua t’ju uroj me respekt
rehati dhe shëndet.
Qofshi faqebardhë
dhe ju priftë e mbara,
ditët tuaja qofshin të bardha.
Urime e gëzuar,
me shumë dashuri,
në familjen tuaj le të ketë harmoni.
I ftohtë Janari
Presidentin na mori janari,
me acar e borë të mbuluar,
me dhimbje Kosova ishte zgjuar.
Janari, muaj i gjatë,
i ftohtë, me ikje e shtrëngatë;
stuhi, erë e mërzi,
shtëpitë të mbuluara ishin.
Me lot e nderime,
shpirtra të mirë të përcollën.
Rrugët e sheshet nuk mjaftonin,
nga njerëzit ishin mbushur.
Ti ike nga kjo botë,
por në histori ke mbetur.
Kjo datë shënohet çdo mot,
President – lavdi!
Mjegulla
Na mbuloi mjegulla, ra si natë,
pa e kuptuar si na zuri në pritë.
Mjegull syve, mjegull mendjes,
dita u mbyt, natë u bë parakohe.
Armiku e ujku në mjegull dalin,
të fshehur, presin prenë e vet.
Zgjohuni, o ju që flini,
hiqni perdet, le të hyjë drita në jetë.
Nga qielli lart shikoj e lutem,
mëshirë të ketë i Madhi Zot.
Qoftë besimtar apo profet,
njerëzimi paqe të ketë në këtë tokë.
Aucun commentaire:
Enregistrer un commentaire