Mirushe H.MUSA : QYTETI I PANJOHUR

Mirushe H.MUSA

 

QYTETI I PANJOHUR

Muzgu uli rrezet në prehërin e brigjeve , 

Ne u takuam në një qytet të panjohur,

Gjethet e shegëve të kuqe në të verdhë,

E bënin atmosferën dhe më romantike. 

Zëri i asaj mesdite vinte si vokal i artë,

Aroma e fjalës çelte si lule në një varg. 

Sa herë doja të dija se ç'është dashuria,

Nga buzëqeshja jote më vinte përgjigja.

Në sytë e tu pash yjet digjeshin zjarrë,

Shkriheshin si ar argjendari,në kaltërsi ,

Si dy diej flakëronin, më digjnin si flakë,

Sytë e mi vetëm aty gjejnë ngrohtësi.

Sa herë ndaloja në buzët tua për herë,

Ndihem si flutur që në çdo lule merr erë,

Të ëmbëla, të mbushura plot mall e zjarr,

I putha, si bleta përhumbur në nektarë.