Nexhi Hasani : AKT

Nexhi Hasani

 

AKT

Hodha vështrimin

mbi portretin:

E brishtë figura e saj, bardhë e zi. 

Dridhej nën lëkurë, (projekt depresiv).

Ia ndjeva dhimbjen, peshë ra mbi supet e mi, 

E rëndë madhështia...

E pamundshme ta tërhiqja. 

Origjinale, Kryevepër.

Më parë se drita të largohej, të gjeta...

E ndriçuar,

E zhveshur,

në tërë pozicionet e tua. Përballë,mbrapa ,anash,

profil hedhur në telajë.

Fokusuar nga një pozicion, mbi iniciale të lehta.

Ajo, çfarë ju besoni, ndryshon nga e vërteta.

Dorëzuar!...

Një pjesë në hijerrtën,

e bardhë në gjysmën tjetër... Motivuese ...,

Ideali i jetës.

Fuqi magnetike,

pluhur toke,

kornizuar veten

mbi pëlhurën gri,

*

Pëshpëris ...

“Ëndërr,

cilës bote i përket?!”

E ngrirë,

e zbuluar fotografi - imazh, 

Përballë botës lakuriq. 

Frymoj në thellësi,

në ngjashmërinë e jetës,

të krijuar tonën; 

Indentike jetë,

pa brenga.

Sa mirë,

tashmë pozicionuar, 

brenda membranës sime, 

larg botës së çmendinës. 

Ndezur mbaj përballë teje, Dritën e jetës...

Tablo e zhveshur, e ndritshme: 

Vërtetësi filozofike shpirti...