Mirushe H.MUSA : HARFA E DASHURISË

Mirushe H.MUSA

 

Harfa e Dashurisë

Unë nuk trembem pse nuk di të luftoj,

Dashuria për ty mburojat m’i këputi.

M’i ktheu gishtat në harpën e lashtë të Orfeut,

Që me zërin hyjnor ndali rrjedhën e lumit.

Unë, si perëndeshë, ndeza zjarrin e lojës,

Shpirtin ta ktheva në luftëtar të Trojës.

Portat e tua të zemrës i mbylla rreth vetes,

Që ti të mos bëhesh burgu i vetvetes.

S’pendohem që përulem para dashurisë,

Ajo është mit që fronet i ka rrëzuar,

Edhe heronjtë e mëdhenj të epokës,

Në fushë s’u thyen, para dashurisë u dorëzuan.