Mirushe H.Musa : BUQETA MBI PIANO

Mirushe H.Musa

BUQETA MBI PIANO

Nën yjet e natës së vonë,
tinguj vinin si dallgë detit,
zgjuan hënën e përgjumur,
prekën ndjenjat e poetit.

Mbi notat e pentagramit,
tastet i preka me lehtësi;
nëpër flladin e kësaj nate
mallin ktheva në poezi.

Buqetë me gonxhe të holla
mbi nota lëshon aromë.
Mendja ikën larg në vargëzim,
gjethe shtoj mbi vargun tim.

Hëna sillej me retë ngadalë,
shiu binte mes yjeve të qeta;
ne u bashkuam në një varg —
mbi piano lulëzoi buqeta.